ياسين اندرويد: طريقة تركيب الرومات المعدلة ( المطبوخة ) وما هي انواعها

                                                            

                                                         بسم الله الرحمن الرحيم 

بتمنى القراءة لآخر الموضوع

 الرومات المعدلة وما ادراك ما الرومات المعدلة طبعا يا جماعة هي الرومات بعملوها المطورين ( التعديل بكون ع الرومات الرسمية او الخام ) بحاولو يضيفو عليها كل شي ناقص بالجهاز من روت لكفري لاختصارات تسهل عليك استخدام الجهاز لبرامج تعديل والاهم من هيك الي هو زيادة سرعة الجهاز واداءه وممكن توصل اسرع واكثر استقرار من الرومات الرسمية للشركات الصانعة والشكل الجمالي للروم وفي بعض الرومات لبعض الاجهزة تتيح الك تجربة رومات اجهزة اخرى متل روم الاكسبيرا للجلاكسي  والكثير . . ومشان العيوب والمميزات كل واحد الو نظرة خاصة بهاي الشغلة

* مهم يا جماعة لازم تعرفو انو في خطورة بتركيبها فلما بدك تركب رومة لازم تتبع خطوات التركيب والتثبيت بدقة حتى توصل للي بدك اياه ( والي بنقرص بتعلم  ) 

******************************************************************

1- الروم المعدل الي بدك تنزلها 

في رومات معدلة رسمية مبنية على الرومات الخام من تطوير فريق رسمي ومن اشهرها 

- سيانوجين مود وهي الافضل بنظري 

الموقع = http://download.cyanogenmod.org/ 

- رومات MUIU

الموقع = http://en.miui.com/

- رومات ANDROID OPEN KANG PROJECT

الموقع = http://aokp.co/

- رومات omega 

الموقع http://omegadroid.co/

الرومات المعدلة الغير رسمية وهي مطورة من قبل اشخاص عاديين ومبنية على الروم الرسمي للشركة الصانعة وفي بعض الاحيان بتكون مستقرة وخالية من الاخطاء والعيوب

وفي كثير رومات انتا رح تكتشفها :)

وانشاء الله بعمل كل جهودي لأوفر رومات لمعضم الاجهزة ( في اجهزة مظلومة ما الها رومات معدلة ) :)

2- لازم يكون عندك روت على جهازك

3- لازم يكون عندك ريكفري معدل 

شو يعني الروت والريكفري موجود هون

http://yaseen-android.blogspot.com/2015/02/root.html?spref=fb

4- بدك تعرف انو رح تفقد ضمان جهازك بمجرد عمل روت لجهازك :3

5- ما حد يحكيلي بدي روت وريكفري لجهازي لانو رح نزل للكل بس اتحلى بالصبر :)

*****************************************************************

الطريقة

1- خطوة مهمة : اعمل backup لجهازك حتى لو صار شي لجهازك ترجعو متل ما كان

2- نزل الروم على الذاكرة الداخلية مهم انو ما تحط الروم داخل مجلدات يعني ع الصفحة الرئيسية لذاكرة الجهاز

مهم : الروم بتنزل مضغوطة ما تفك الضغط عنها وانقلها وثبتها متل ما هي 

3- طفي الجهاز بتفوت على الريكفري مود عن طريق الضغط المستمر على( زر الهوم - زر الصوت لأعلى - زر الباور ) وبتستنى لتفتح معك شاشة الريكفري

الي احنا رح نحتاجو بشاشة الريكفري - web data - web cash - install zip from sdcard- reboot system

ملاحظة : للتنقل بين الخيارات ازرار رفع الصوت وللاختيار زر الباور

4- عمل جميع الويبات من داخل الريكفري بتكبس على web data بعدين yes وبتستنى شوي . . برجعك ع الصفحة الرئيسية وبتعمل كمان  web cash بعدين yes وبتستنى شوي ورح يرجعك الصفحة الرئيسية

5- بتختار خيار install zip from sdcard وبتكبس على الروم الي نزلتو على الذاكرة الداخلية بعدين بتختار yes وبتنتظر من 3 - 6 دقائق حتى تنزل الروم :) بتختار go back وبرجعك ع الصفحة الرئيسية

6- خطوة احطياطية : بعد ما يخلص تثبيت الروم اعمل خطوة رقم ( 4 ) عمل جميع الويبات من داخل الريكفري بتكبس على web data بعدين yes وبتستنى شوي . . برجعك ع الصفحة الرئيسية وبتعمل كمان  web cash بعدين yes وبتستنى شوي ورح يرجعك الصفحة الرئيسية

7- الخطوة الاخيرة اعمل reboot system الجهاز رح يعيد التشغل وبتنتظر عند شاشة الاقلاع من 2 - 5 وهيك تم العملية 

*****************************************************************

من المشاكل الي ممكن تصير معك 

1- اذا علق الجهاز  عند شاشة الاقلاع اكثر من 5 دقائق اعمل الخطوة رقم ( 4 ) او ( 3 ) نفس الشي

2- اذا نزلت الروم وما دخل على شاشة الاقلاع وضلو يعمل ريستارت بتكون المشكلة من الريكفري يعني الروم ما بتوافق مع الريكفري مثال 

- روم الكتكات من سيانوجين مود  بحتاج ريكفري CWM والاصدار يكون على من 6.4.5 {{ معظم الاجهزة }}

هي رومات قليلة بتحتاج ريكفري مخصص الها اما الباقي ع اي ريكفري ((( حسب تجربتي في تثبيت الرومات ))

*****************************************************************

اذا اتبعت الخطوات 100% رح تصل للبدك اياه ( ذكرت بأول الموضوع انو اي خطأ او نسيت خطوة في طريقة التركيب والاستخدام ممكن تعطل جهازك عن العمل ) حتى لو حاولت وصار في ضرر بجهازك انتا هيك تعلمت شي جديد وانشاء الله ما بصير شي مع اي واحد حاول يتعلم 

 انا اول ما تعلمت هالشغلة ضربت جهازي s3  ومع ذلك رجعت اتعلمها  :3 ( وبتمنى كل واحد قبل ما يعمل اي خطوة يفكر في هالشغلة مشان ما حد يحكي شجعني وخرب جهازي )

طبعا هاد شرحي وانشاء الله اكون شرحت كل شي بخصوص هيك موضوع وما قصرت وانشاء الله انتو كمان استفدتوا مني :)